عن جمال الموسيقى



الفيديوا دا لأغنية بالفرنساوي، و الحقيقة انا معرفتي بالفرنساوي لا تختلف عن معرفة معظمكم بالهندي و البنجلاديشي. 

بس الحقيقة إن مع إختلاف اللغة و عدم فهمي للكلمات إلا إن الإحساس اللي فيها رهيب، و لو غمضت عينك و سمعتها بجد هي بتنقلك لمكان تاني خالص. في رأيي الموسيقى الحقيقية هي اللي بتنقلك من مكان لمكان، مش مهم اللغة عربي ولا فرنساوي ولا هندي حتى، المهم الروح و الإحساس اللي في صوت المغني و في أداء العازفين. مثلاً ممكن أي حد يعزف مقطوعات الموسيقار عمر خيرت و ممكن بقدرات أعلى كمان، لكن عمر ما الإحساس هيوصلك زي لو هو اللي عازفها. هبة طواجي و هي مطربة لبنانية سحرت أربع حكام في The voice فرنسا و هي بتغني بالعربي، تاني لإن شعورها و طاقتها وصلت ليهم بكل قوة…

أحمد السقا لما قال في صعيدي في الجامعة الأمريكية بكل كوميديا "بص يا خلف، الأوبرا إحساس، بس أنا جعان" بعيدا عن البعد الكوميدي بس هي فعلاً الأوبرا أو اي موسيقى هي إحساس، بيطلع من عازف او مطرب، و لو الإحساس دا حقيقي بيوصل للمستمع فوراً...

أسمعوا Je Veux و ممكن تكتبوا الإسم و هتجيلكم نسخة فيها ترجمة الكلمات، غمضوا عنيكم الأول و إسمعوا و قولولي شوفتم نفسكم فين و بتعملوا أيه :

0 views

©2018 by Helaly Writings