سرطان التنمر

Updated: Oct 2, 2018



” ونبي أنام ربع ساعة يا حاجة “

كلمتين قالهم طفل بكل عفوية، و حبيبي مكنش عارف ان الدنيا هتتقلب كدا عليه و يتحول لوسيلة سخرية كل الناس على الفيسبوك. طفل كل ذنبه هو وجوده في مجتمع التنمر موجود في جيناته. مش هتكلم عن المدرسة اللي صورته علشان هي أصلاً ولا تستاهل لقبها التعليمي ولا شرفه. ولا هتكلم عن الشخص اللي رفع الفيديو على الفيسبوك (على إعتبار اني اتمنى متبقاش هي اللي رفعته، يعني منزودش من الحقارة حقارة). اللي هتكلم عنهم هما احنا، أيوة، انا و انت و كل واحد عمل من الولد وسيلة سخرية. بداية من السخرية المباشرة على موقف انه عاوز ينام، مروراً بغير المباشرة زي تعليقهم على ” يا حاجة “ و تسريحة شعره و كل دا، وصولاً طبعاً لاستخدام صورته مع تعليقات بقى من عينة ” انام نص ساعة في الشغل “ و كل الحاجات اللي اكيد شفتوها. و طبعاً لا أستثني من دا كل اللي عملو هاها على أي صورة منهم و انا منهم في الأول، لازم أعترف. أنا كأب قلبي وجعني على الطفل انه بيتم التشهير بيه بالشكل الحقير دا، طيب الفكرة كوميدية كدا أستخدم الجملة على صورتك انت، انما صورة الولد الغلبان دا ليه؟ بعيداً بقى عن الولد كان تعبان و الكلام دا كله، تعبه من عدمه ميغيرش في الخطأ.

Cyberbullying is Bullying. Hiding behind a pretty screen, doesn't make it less hateful, written words have power.     التنمر الإلكتروني هو تنمر، كون المتنمر يختبيء خلف شاشته لا يجعل الأمو أقل ضرراً، للكلمات المكتوبة قوة.

الحقيقة التنمر صوره كتير قوي، منه مثلاً اللي حصل و بيحصل مع دينا الشربيني، اللي لغاية يوم قبل اشاعة ارتباطها بعمرو دياب كانت من أكتر الفنانات المحبوبات، و في لحظة بقت درة كل ستات مصر بشكل مستفز جدا. بس ماشي، غيرة بنات اللي هو مش مفهومة مس هعديها. بس يوصل الأمر لل”بهدلة “ اللي حصلت فيها وقت مهرجان الجونة هي و مي عمر و غيرهم من الشخصيات العامة اللي الناس بتقرر التجريح المباشر فيهم كنوع من أنواع التسلية و المرح.تريقة رهيبة دينا و شكلها (معصصة، ايه القرف دا) و مقارنة بشرين رضا (شرم الشيخ و كفر الشيخ)، مش هتكلم عن عدسة مين صورتها و حش و مين حلو، خلينا نقول انها شكلها كان زي الصورة اللي انتشرت، و انت مالك؟ علشان شكلها؟ لأ دا خارج نطاق حرية الرأي. ممكن أختلف فستان فلانة حلو و مكياج فلانة وحش، لكن الأستهزاء و الجريح شيء تاني تماما أسمه تنمر.التنمر العاطفي هو أخطر أو من أخطر أنواع التنمر… ببساطة التنمر عاطفي هو محاولة لإجبار شخص على تصرف معين من خلال السيطرة عليه نفسياً، و الموضوع مش أطفال مدارس، الموضوع عيلة و أقارب و زملاء شغل. من أهم وسائل التنمر العاطفي دا الكلام بشكل غلط و النميمة و إطلاق الإشاعات عن الشخص هدف التنمر.هل حصل قبل كدا و حسيت انك بتجبر تقول أه و انت عاوز ترفض؟ أي شيء؟ آتعرضت لجمل زي ” لو معملتش كدا لا انت ابني ولا أعرفك “ أو مثلاً جوزك أو مراتك بيقفشوا لو الحاجة مش معمولة حسب رغبتهم فبتقرر انت ترضيهم على حساب نفسك؟طيب مضتهد في شغلك و اللي حوليك دايماً بفسروا كلامك غلط و يعملوك وحش؟حد دايماً ماشي يقولك ” متوقع منك كتير الفترة الجاية “ كنوع من أنواع الضغط؟مبروك, انت بتتعرض للتنمر العاطفيتعريف التنمر  هو عندما يقرر شخص أم مجموعة بشكل متعمد توجيه الإساءة و الضرر الجسدي أو النفسي من خلال الإيذاء الجسدي أو اللفظي أو غيرها من أساليب الإكراه الأكثر دهاء مثل التلاعب ، إسقاط نفسي ، إكراه، إهانة، تشهير.التنمر هو مضايقة مدرسة لطفل بكل براءة بيقو عاوز انام و هو منهار في العياطالتنمر هو سخرية القوي من الضعيف، الغني من الفقر، الوسيم من الأقل وسامةالتنمر هو بلطجة اطفال المدرسة تجاه الضعيف منهم نفسياً أو جسدياًالتنمر هو سخرية موظفين الشركة من شخص بعينه و تعمد إيذاءه نفسياً أو جسدياًالتنمر هو مهاجمة شخصية عامة بشكل مستمر و موجه و التجريح اللفظي فيهم أو التشهير بهمالتنمر سرطانتعددت الوسائل و يبقى التنمر واحد… جبت ليكم شوية كلام من فنانيين عالميين عن التنمر، بس قبل ما تقروهم هقولكم انا كلمتين مني عن اتنمر

التنمر هو ضعف و قلة حيلة بيتم إخفائها بقناع هش لكن بيقوى مع الردود، و زي ما علاج النذل إجتنابه فعلاج المتنمر تجاهله…
I realized that bullying never has to do with you. It's the bully who's insecure.

Shay Mitchell

أدركت ان التنمر ليس له علاقة بك، بل المتنمر هو الشخص غير الآمن
This isn't a high school thing or an age thing. It's a people thing. People cut other people down out of jealousy, because of something broken inside them, or for no reason at all. Just don't let them change you or stop you from singing or dancing around to your favorite song

Taylor Swift

الأمر ليس مرتبط بالمدرسة أو العمر، الأمر مرتبط بالأشخاص. قد يدمر شخص الآخر فقط بسبب الغيرة، بسبب شي مكسور بداخلهم، أو بدون سبب على الاطلاق. فقط لا تجعلهم يغيرونك أو يحبطوك عن الغناء و الرقص على أغنيتك المفضلة
People are going to bring you down because of your drive. Ultimately, it makes you a stronger person to turn your cheek and go the other way

Selena Gomez

سيحاول الناس احباطك فقط بسبب تألقك، فقت القوي هو من يدير ظهره و يكمل مسيرته
I was bullied when I was younger and it would bring me down. You have to find a way to funnel those feelings into something proactive...Do something that is going to better yourself while you're trying to get over those resentments. Holding on to them only makes you sick

Demi Lovato

تعرضت للتنمر في الماضي و كاد الأمر ان يحبطني، يجب عليك البخث عن وسيلة لتفريغ تلك المشاعر في شيء  فعال. أفعل ما يجعلك تتقدم للأمام، التمسك بالأمر فقط سيحبطك
2 views

©2018 by Helaly Writings