دكتورة سحر نصر - جمهورية مصر العربية


من خلال التزامها و اخلاصها للعمل خلقت لنفسها مكانة خاصة عند ناس كتير، و بالرغم من انها شغلت مناصب كتير الا ان السبب الحقيقي لنجاحها هو انها شعلة نشاط، المرأة الحديدية، الدينمو، ألقاب كتير حصلت عليها الدكتورة الوزيرة سحر نصر وزيرة الأستثمار و التعاون الدولي، و هي الشخص اللي هتكلم عنه سريعاً النهاردة في كلامي عن السيدات العرب أصحاب البصمة و التأثير.

في الأول مقدمة سريعة مين هي دكتورة سحر نصر

اتخرجت من الجامعة الأمريكية عام ٨٥ و حصلت على الماجيستير في الأقتصاد عام ٩٠

عملت كأستاذ مساعد بالجامعة الأمريكية عام ٢٠٠٢ حتى عام ٢٠١٥ و تقوم بتدريس مقدمة في الاقتصاد الكلي، والمالية العامة، والبنوك.

نشرت نصر خلال مسيرتها الأكاديمية أكثر من 60 ورقة تناولت فيما بين الأبحاث والتقارير و الكتب و قد نُشرت تلك الأبحاث في دوريات علمية تابعة لجامعات كامبردج وأوكسفورد في المملكة المتحدة، وبيركلي في الولايات المتحدة، وكذلك البنك الدولي، وقد ساهمت بعضها في نمو اقتصاديات عدة دول نامية.

أصبحت وزيرة التعاون الدولي عام 2015 و عام 2017 تولت وزارة الأستثمار.

"تحتاج النساء إلى فرص متساوية ، وليس المساواة" ، د. سحر نصر

في مناصب كتير و ألقاب كتير ممكن أقعد أتكلم عنها، و الحقيقة دكتورة سحر نصر هي مثل أعلى ليا و لناس كتير جداً، ممكن اتكلم عن دورها في المجلس التخصصي للتنمية الاقتصادية، أو عن خبرتها في البنك الدولي. ممكن أتكلم عن دورها في تصميم والاشراف على برامج الاصلاح والتمويل في مناطق الشرق الأوسط واسيا وامريكا اللاتينية ووسط وشرق أوروبا. دكتورة سحر نصر هي واحدة من أكتر السيدات اللي بفتخر بيهم و بقدرهم جداً، و الحقيقة انا عندي إنحياز واضح و صريح لمعالي الدكتورة سحر نصر و دا لعدة أسباب:

هي مثال حي واضح و صريح على الإلتزام في العمل و الإجتهادهي مثال حي واضح و صريح على قدرة المرأة في النجاح في مواجهة أي تحديأضافة الكثير للإقتصاد المصريدعمها للمشروعات الصغيرة كان سبب في دفع عجلة الاقتصاد المصريهي صورة مشرفة لمصر دائماً بالخارجاستطاعت تطوير منظومة الاستثمار بشكل كبير، الأمر اللي سهل على كل المستثمرين مهما كان حجمهم انهم يبدأوا مشاريعهم. و بعد ما كان الواحد بيقول و بيشتكي و بيخاف من خطوة تأسيس عمل خاص علشان بيروقراطية الجهات الحكومية و نظرية ”مدام سعاد اللي في التالت ، بقى أسهل حاجة تأسيس الشركات. و دا مش بس سهل فرص الإستثمار المحلي، هو سهل حتى الاستثمار الاجنبي.الإنجاز الكبير اللي حصل بقانون شركات الشخص الواحد، اللي بتحمس و تحفز المشروعات الفردية الصغيرة، اللي بتعمل في مجال الاقتصاد غير الرسمي، للتحول إلى الاقتصاد الرسمي، لتستفيد من المسؤولية المحدودة، و تستفيد الدولة.أسست مركز خدمة المستثمرين، اللي لو تفتكروا الإعلان بتاع (لو سمحت كنت عاوز أروح وزارة الأستثمار و الGPS جابني المطار)، هو دا حقيقي. مركز خدمة المستثمرين للي راح أكيد شاف جمال و حلاوة و شياكة المكان و نظافته و تنظيمه و كفائة العاملين فيه، و دا سهل على الناس كلها التعامل مع الوزارة.اتفاقات دولية كتيرة فتحت و خلقت فرص عمل كتير للشباب

كلام كتير ممكن يتقال عن معالي الوزيرة، و مهما أتقال عمر ما يوفيها حقها في خلق مناخ استثماري حقيقي و في فتح الباب قدام صغار المستثمرين. في تحفيز الناس و في كونها قدوة حقيقية للبنات على انه النجاح للبنت لا يعني فقط النجاح المهني، هو نجاح مهني و نجاح أسري مع الأحتفاظ بالأناقة و لباقة الحديث. شرف ليا وجودها في الحكومة المصرية و أتمنى في يوم من الأيام لقائها و ممكن أحاورها كمان :)

12 views

©2018 by Helaly Writings